Sharmoofers in the house
Sharmoofers in the house

سلام عليكم
أنباء عن مستر شارموفر من أصغر كوكب في المجرة
كوكب بلوتو (بيدوَّر على شغل) ونفض لبلاد برة
راح مكتب توظيف الكائنات الخارجية
رمى عليهم التحية
قال لهم أنا جاي أشتغل وأتجوز واحدة فضائية

قام واحد شكله غريب بشرته خضرا وبثلاث رجلين
مش بس كده بعين واحدة و ورا ودانه طالع قرنين
قال له تقعد معانا لكن فيه شروط هنعمل إختبار
كانوا قاعدين الفضائيين بصوا له شزرا ومفيش هزار
هتعدي على كذا مرحلة بس محتاجة مجهود جبار، مجهود جبار

نزل شارموفر بنشاط وحيوية
راح اتعلم اللغة الفضائية والناس عرفوه وحبوه
واتعلم سواقة المركبة الفضائية
شارموفر دماغه من حديد جاله فكرة جهنمية من نوع جديد
بما إن الناس بثلاث رجلين ماشيين ملط ومش لابسين
هيعمل مصنع بوكسرات بس المرة دي بتعديلات
ولبس البدلة بانشكاح راح يقابل الجمهور يوم الافتتاح

أحلى سلام وتحية
إسلام شيبسي الإخطبوط
إرفع عَـلّي الصوت
إرفع عَـلّي الصوت