राम जन्मला गं सखी is a song in Marathi
त्या पवित्र पायास सेवनानंतर कल्पतरूला फुलांचा बहर
यावा तास दशरथाच्या प्रासादात घडलं
अयोध्येत हि वार्ता चंदन सुंगंधाप्रमाणे दर्वळली
दशरथाच्या तिन्ही महारांना आई होणार
अयोध्येला आणि दशरथाला वारस लाभणार
आणि तो क्षण आला चैत्रमासातील क्षुब्द नवमीला
हि वार्ता प्रकटली आणि सारे नगरी वृक्ष लता
आकाश धरणी पशुपक्षी अवघा कां अन
कां मनाचा निरंजन घेऊन गाऊ लागला
चैत्रमास त्यांत शुद्ध नवमी ही तिथी
गंधयुक्त तरिहि वात उष्ण हे किती
दोन प्रहरी का गं शिरीं सूर्य थांबला
राम जन्मला गं सखी राम जन्मला
राम जन्मला गं सखी राम जन्मला
राम जन्मला गं सखी राम जन्मला
कौसल्याराणि हळूं उघडि लोचनें
दिपुन जाय माय स्वतः पुत्रदर्शनें
ओघळले आंसु सुखे कंठ दाटला
ओघळले आंसु सुखे कंठ दाटला
राम जन्मला गं सखी राम जन्मला
राम जन्मला गं सखी राम जन्मला
राजगृहीं येई नवी सौख्य पर्वणी सौख्य पर्वणी
पान्हावुन हंबरल्या धेनू अंगणी धेनू अंगणी
दुंदुभिचा नाद तोच धुंद कोंदला
दुंदुभिचा नाद तोच धुंद कोंदला
राम जन्मला गं सखी राम जन्मला
राम जन्मला गं सखी राम जन्मला
पेंगुळल्या आतपांत जागत्या कळ्या
काय काय करित पुन्हा उमलल्या खुळ्या
उच्चरवें वायू त्यांस हसून बोलला
उच्चरवें वायू त्यांस हसून बोलला
राम जन्मला गं सखी राम जन्मला
राम जन्मला गं सखी राम जन्मला
वार्ता ही सुखद जधीं पोंचली जनी पोंचली जनी
गेहांतुन राजपथी धावले कुणी धावले कुणी
युवतींचा संघ एक गात चालला
युवतींचा संघ एक गात चालला
राम जन्मला गं सखी राम जन्मला
राम जन्मला गं सखी राम जन्मला
पुष्पांजली फेकी कुणी कोणी भूषणे
हास्याने लोपविले शब्द भाषणे
वाद्यांचा ताल मात्र जलद वाढला
वाद्यांचा ताल मात्र जलद वाढला
राम जन्मला गं सखी राम जन्मला
राम जन्मला गं सखी राम जन्मला
वीणारव नूपुरांत पार लोपले पार लोपले
कर्ण्याचे कंठ त्यात अधिक तापले अधिक तापले
बावरल्या आम्रशिरीं मूक कोकिला
बावरल्या आम्रशिरीं मूक कोकिला
राम जन्मला गं सखी राम जन्मला
राम जन्मला गं सखी राम जन्मला
दिग्गजही हलुन जरा चित्र पाहती
गगनांतुन आज नवे रंग पोहती
मोत्यांचा चूर नभी भरुन राहिला
मोत्यांचा चूर नभी भरुन राहिला
राम जन्मला गं सखी राम जन्मला
राम जन्मला गं सखी राम जन्मला
बुडुनि जाय नगर सर्व नृत्यगायनी नृत्यगायनी
सूर रंग ताल यात मग्न मेदिनी मग्न मेदिनी
डोलतसे ती ही जरा शेष डोलला
डोलतसे ती ही जरा शेष डोलला
राम जन्मला गं सखी राम जन्मला
राम जन्मला गं सखी राम जन्मला