Reis glorios, veray lums e clartatz,
Totz poderos Senher si a vos platz,
Al mieu companyh siatz fizels ajuda.
Qu'ieu non lo vi pos la nuech fo venguda,
Et ades sera l'alba!

Bel companho, si dormetz o velhatz?
Non dormas pus, senher, si a vos platz
Qu'en aurien vey l'estela creguda
Cadus lo jorn qu'eu l'ay ben conoguda,
Et ades sera l'alba!

Bel companho, en chantan vos apel:
Non durmatz pus, qu'eu aug chantar l'auzel
Que vay queren lo jorn per lo boscatje
Et ai paor que'l gilos vos assatje
Et ades sera l'alba!