تقـول الناس نفسـك وش بلاهـا وش اللي ع الشقـا منك حداهـا
ولا يــدرون باللـي متـعبـنـي و عينـي وش الذي كدر سماهـا
أنـا اللي مهـلكٍ حـالي ومـالـي نشـف اللي نبض قلبـي هواهـا
كثـير سنـين ماكـفـت دمـوعي مدامعهـا و روحي في رجـاهـا

قضيت العمـر سـاعه بعد سـاعه اناظـر في السما تالي سنـاهـا
و اراقـب زولهـا في كل طـيـفٍ عسى يجيب بالطـاري نبـاهـا

لهيب الشـوق ياكل من ضلـوعي وناري بالألـم زايـد عطـاهـا
وأنـا وأن مـت منهـا بلّغـوهـا حيـاتي والبقيـه في هـواهـا