Venètte da tanto luntano
'Nu furastiero, 'nu furastiero
Restaje 'ncantato d' 'o mare
D' 'o sole e 'a luna, 'nu furastiero

Se 'ncantaje 'e dduje uocchie curvine
'E 'na bruna
'E vint'anne d'età

Chella vo' bene a 'n'ato e pe chillo more
Pe chillo more
Pe 'nu bellu guaglione 'e piscatore
'E piscatore

Furastiero, 'e denare che so'?
Quanno 'o core fa chello che vo'

Chella s'è fatta 'a croce cu ll'acqua 'e mare
Cu ll'acqua 'e mare
E po ha giurato, "Je nun te lasso maje
Nun te lasso maje"

P' 'o mare 'na festa 'e lampare
'Nu piscatore, 'nu piscatore
S'astregne 'int'e bbracce 'na bruna
Cu 'o velo 'e sposa, cu 'o velo 'e sposa

Dice 'a gente, "Cu bona furtuna
Pe cient'anne
Pe sempe accussì"

Chella vo' bene a 'n'ato e pe chillo more
Pe chillo more
Pe 'nu bellu guaglione 'e piscatore
'E piscatore

Furastiero, 'e denare che so'?
Quanno 'o core fa chello che vo'

Chella s'è fatta 'a croce cu ll'acqua 'e mare
Cu ll'acqua 'e mare
E po ha giurato, "Je nun te lasso maje
Nun te lasso maje"