Alah bainai kini di ujuang jari
Sasalan tumbuah manga uda sasali
Cakak habih mako silek takana
Marasai badan kasudahannyo

Siriah jo pinang kini dalam carano
Tak mungkin denai ka mamisahkannyo
Kato putuih diak alun babari
Baa baungkai cincin di jari

Tiado kaba barito dari uda
Mangkonyo denai tarimo pinangan
Indak den sangko adiak ka co iko

Rindu nan denai rasokan ka uda
Sungguah indak tatahan di badan
Denai mananti lah putiah mato
Ndak kunjuang tibo

Dek cito-cito juo diak sayang
Mangko tabuang badan di rantau
Kironyo adiak nan denai cinto di pinang urang

Sungguah tiado ta niaik di hati
Ka mamutuihkan janji nan suci
Rila tak Rila denai tarimo
Bialah denai ma uruik dado