Joko ya hao e bobebe
E nkhatholosang pelo
Tumelo ho nna ke thebe
E tla mphemisang lefu
Nyakallo ke e fumane
Tseleng ya hao Morena
Dira ho nna di qhalane
Ke hloletswe ke wena

O re ho nna ke lelale
Ke tshepe lehodimo
Moeti ha a khathale bo
O pepjoa ke Modimo
E fela ho dutse jwalo
E sale o nthatile
O mphodisitse matswalo
Mme jwale ke thabile

Ha ke hlahellwa ke dillo
O ntekola ka mosa
O ntlela ka dipolelo
Tse phakisang ho thusa
Ha ke re ke mofutsana
O re che o na le nna
Ha ke re khoro ya hana
O re che o tla kena

Ho tla ba jwang ha ke siya
Kobo ena e bolang
Ke be jwalo ka Elia bo
Ka koloi e fofang
Ke tla opa ka diatla
Ke tla re alleluya
Alleluya o senatla
Se nkenyang ha Jehova

Ho tla ba jwang ha ke siya
Kobo ena e bolang
Ke be jwalo ka Elia bo
Ka koloi e fofang
Ke tla opa ka diatla
Ke tla re alleluya
Alleluya, alleluya o senatla bo
Se nkenyang ho Jehova

Alleluya o senatla
Se nkenyang ho Jehova
Alleluya o senatla