Musta na kaha ka diha ron sa balay
Ambot nganong lima ka oras pa gani ang nilabay
Kay gimingaw na dayun ko sa imong init nga gakos
Nga hinungdang sa ka-kapoy maka lahutay
Paninguhaon ko nga dili na ma blanko
Ang atong bulsa sa pang kada adlaw nato nga gasto
Ug gamayng antos na lang matuman ra ning atong planong maka kaon nga dunay saktong pahuway
Pas-pas ang panahon apan nag kadugay
Ang oras kung dunay buhaton nga wala ta ka-angay
Apan kung ikaw ang akong huna-hunaon kay makaya bisan pa ug buntagay
Day

Ihatag ko nimo akong dughan ug
Akong kinabuhi baylo lang sa gugma mo
Ug andam ko mu sawm unsa man ka lalom
Kung para nimo sugaton ko ang dagkong balod
Langga

Musta man ang imong adlaw ron sa trabaho
Ako kang gilutuan ug paborito mong pagkaon
Akong gi-palamian
Ganti sa imong kahago
Dungan lang tag pahuway ig kahuman
Matod's uban, muabot ra daw ang grasya
Apan kana tinapulan
Busa mag himo ta'g atoa
Ang pag ampo apilan lang nato ug dobleng pagkayod
Apan di kinahanglang palabian
Ingon sila ang kinabuhi murag lasang
Daghang halas busa hadlok ko nga ikaw mapaakan
Apan kung sa akoa ka nabalaka
Di na angay nga mag duda pa ka
Kay

Ihatag ko nimo akong dughan ug
Akong kinabuhi baylo lang sa gugma mo
Ug andam ko mu sawm unsa man ka lalom
Kung para nimo sugaton ko ang dagkong balod
Langga
Langga
Langga
Langga

Nindot kayo sa paminaw kada stanza
Ang tanang mga maminaw maka kanta
Nga mura ba'g ang atong panag uban walay problema
Ug murag walay gitagong mga mantsa
Hugaw ang kamatuoran maong wa na gi-apil sa mga berso aning kanta
Maong puro lang kalinaw ning imohang napaminaw kay gikuha rani gikan sa pantasya
Kay and tinuod

Atong kaugalingon lang ang gisunod maong
Nag uban ta nga kontra sa ilang buot
Ug sa kanunay natong away ni abot
Sa panahong namugnaw nang imong kamot
Mga pakilig kay dili na muduot
Busa

Ihatag ko nimo akong dughan ug
Akong kunabuhi baylo lang sa gugma mo
Ug andam ko musawm unsa man ka lalom
Kung para nimo sugaton ko ang dagkong balod
Ihatag ko nimo akong dughan ug
Akong kinabuhi baylo lang sa gugma mo
Ug andam ko musawm unsa man ka lalom
Kung para nimo sugaton ko ang dagkong balod