شوية صور وشوية أخبار من بلدي
كومة هدايا حلوة ملفوفة بذكريات
نصيحة من أبويا ودعوة من قلب إمي
وكمشة حنيّة من ستّي بتسوى الحياة

لون السما ببلادي غير
صوت المطر حتى الهوا والله غير
بيروحوا ناس وبييجوا ناس وبتبقى إنت يا بلد بقلبي غير

خدني معك ع بلدي مشيني بين الحارات
إحميني من غربة عمر وإزرع فيّ الحياة
خليني بشوارعها أكبر وبسحر قمرها أسهر
والله ما راح بتأخر بس خذني معاك

نظرة أمل نظرة خجل بعيون الحب الأول
زفة عرس لمّة جارات ع دلة قهوة حلوة
رن الجرس فرحة طفل بلّش بصف الأول
ريحة ترابك يا بلد من بعد أول شتوة

نجوم السّما تبعت سلام
ورق الشجر عطر الورد طير الحمام
بيقولوا ناس و بيحكوا ناس ما بيوفي حقك يا بلد أيّ كلام

خذني معك ع بلدي رجع لي أيام زمان
إسرق مني الوقت وإرميني ع بر الأمان
إعطيني من بلدي الحنين إعطيني خبزة زيت وزعتر
والله ما بدي أكثر بس خذني معاك

خذني معك ع بلدي نسيني كل اللي راح
لو مرة بس شوف البلد خلي القلب يرتاح
طعميني من أرضنا تين ومن سهلنا لوزه أخضر
والله ما راح بتأخر بس خذني معاك