إنت محتاج للي خايف يخسرك وفي قلبه شايلك
إنت محتاج للي تزعل منه ييجي عشان يحايلك
واللي بيحبك وشايفك نعمة طول الوقت برضو
مش لواحد كان بيوعد وعد ما بيطلعش قده

من النهار ده خذها قاعدة اللي يمشي معاك طريق
لو جه سابك يوم في نصه كمله لوحدك وشوف الفرق إيه؟
سيبه يمشي وما تحاولش معه نهائي عشان كرامتك
والحياة مش واقفة عنده بكرة تيجي عينيك في عينه تكون ناسيه

اللي قالوا معاك وجنبك جات لهم فرصة وبعدوا
كلهم قالوا وعد نفضل بس مين كان عند وعده
دول في غمضة عين بيمشوا سهل جدا يعني ينسوا
اللي قال كلمة سحبها واللي حب مشاعره خلصوا

من النهار ده خذها قاعدة اللي يمشي معاك طريق
لو جه سابك يوم في نصه كمله لوحدك وشوف الفرق إيه؟
سيبوا يمشي وما تحاولش معه نهائي عشان كرامتك
والحياة مش واقفة عنده بكرة تيجي عينيك في عينه تكون ناسيه

اللي عندي أنا قلته وإنت قولت إيه؟