لفينا الدنيا
والدنيا لفيت بينا
ما حدش وقف جنبي
وقفنا أنا وهي لوحدينا إيه
والنار قايدة تحتينا إيه
وعينيها كانت سيما
مالوش لازمة كله زينة
جايبين جاز ومش لاقيين بنزينة

مخلص أنا مفوت
مفيص أنا مدون
بتعيط وأنا بتوه
كلامي ليه مش بيلوّد
والوردة عودها بيشوك
جاي لك ومش هطول
سنين فاتت سنين جاية
وأنا وإنت لبعض قولنا كده من الأول

كانت نار، كانت نار، كانت نار
كانت حارقة السما ونشفت الأنهار
ده مش حب ده إنذار
ده مش حب ده كازينو
ده رهان ده قمار هنا اللعب بالأعمار

ثاني جيتي على بالي
في المشاعر نار جاية إجباري
أصل معاكي مش بمزاجي
هي الإبتسامة كانت سهلة
الناهية كانت صعبة
كل أما بتنده لي بنوقف على الشعرة
مش إنت قولت بنفسك
إنك مش على بعضك
بيبي هما حاولوا بس أنا اللي هعرف

أنا فلتة طفرة لسه إشارتي صفرا
عاكس نومي من الصبح لليل برو بقا لي فترة
فترة) فترة لعب على فترة)
تيجي عندي هنا هتتقطع
عارف اللي فيها كويس أوي يا سلام
فاهم اللي فيها كويس أوي يا سلام
أنا مش هناديها هي تيجي لي يا سلام
وأنا أما أغيب طب مين بديلي يا سلام
إزاي تقولي قرب لي وتبعديني يا سلام
ولو عايزاني أتغير فاتغيرت من زمان
لو كنت جنبي حالاً زي ما بتيجي في الأحلام
يا سلام

إسمعني كويس
إيه تيجوا تبرطموا لي تبقوا غلطانين
أنا بغطس في الأيام من غير أنبوبة الأكسجين
ولو حاسين لسه بالشبه تبقوا موهومين
ولو حاسين لسه بالقلق تبقوا خوافين

آه والدنيا ظلمة في ظلمة
مليانة فوضي و ظالمة
إنت وشطارتك جرب
هتلاقيني جنبك في المطاردة
أنا بجازف أنا بهاجم أنا بدافع
في جمعة رايح و جمعة راجع
أنا ماشي، ماشي ع الخريطة لقدام
آخر لحظة لينا قامت قايلة يا سلام
أوه، إيه
مش عارف الجز دوة كله جاي منين
أوه، إيه
بتعد أدوار و هي نازلة الأسانسير

ياه قارص ع البنزين وكابس ع المنافسة
بقوم ذابح الفريسة كانس بالمقشة
ما زلت على أرض الواقع بس دماغي مسافرة
ردود أفعالي سافلة وكل الناس دي شاهدة
مش عايز شفقة مش عايز منك شئ
مش عايز أعرف أسرارهم ولا بيقولوا ايه
أنا فاكر زي مبارح يوم ما رجعت من إلي
أربع سنين بعديها عرفت الناس إنت إيه
أربع سنين شوفنا كنا فين بقينا فين مقامي فين
مقامي أعلى من الشمس بلوس إثنين أنا مش
رايح ولا راجع أنا قاعد هنا
فوق دماغكوا أربعة وعشرين ساعة زي الإذاعة كده

قل لي السعر كم عندك إنت
باجي بولعة أسيح المجال وش سلندر
عمري ما اهتميت أنا بكلاب سايبها بتنبح
تيجي تعمل ضدي الإنقلاب مش هتنفع أنا معلم
طول الوقت مزرجن
إنت بتلف تدور فبطلب الكلام يترجم
في الماضي قاعد بردم في دماغي مش بتكركب
البوصلة ضاعت مني رجعت جيبتها من المركب
الدم جوة قلبي
النار دي جوة قلبي
البركان بيملا عروقي
الحرب جوة مني
ما حدش وقف جنبي
ولو في يوم ربي يرحمني
إبنوا لي التمثال في البلد عندي وهبقى مرضي

حتى لو خسرت راسي لفوق أشوف الغضب في السحابة
البرق نازل ع المدينة والدنيا غرقانة
احنا والخزنة مليانة Bonnie and clyde
دي نهاية العالم آه حمدالله ع السلامة