Giddabeaivvi duoddar alde
šealgágoađát fasttain
Sevdnjes galbma dálvvi
leat don ceavzán vásihan

Vuorddát buori liehmu geasi
vai fas lieđđugoađašit
Liegga geassebeaivvi
valjiiguin eatnamiid govččat

Don it geargan ollašuvvat
ovdal čakča njágai
Garra galbmasiin ja vuimmiin
deaddilii du goldnat

Guhkes dálvvi muohttat vuolde
sevdnjes áigái náddot
Vuollánan it lossa deddui
vurdet fasttain giđa