Don it galgan čiŋadit
silkeliinnit eai lean du
It ge ožžun áibbašit
loatŋás gávttiid eahccit it
Don it galgan návddašit
geahppamielain suddudit
It ge hálljuid bealuštit
go it vel iežat nieiddaid ge

Jos áin livččet das
mu eatni
čiŋahivččen du
golliid silbbaid buvttašin

Don it galgan čiŋadit.
Don it galgan návddašit..

Jos áin livččet dás
mu eatni
čiŋahivččen du
silkkiid helmmuid viežžašin
Jos ain livččet dás
mu eatni
čiŋahivččen du
golliid silbbaid barddašin