Kanimo lang ang gugma ko gihalad
Ug ikaw lang ang bugto kong pinangga
Ambot ngano bugnaw man ang imong pagtagad

Nihimo kog daghan mga paagi
Apan king gugma wala nimo tuhoi
Kay kanako inday wala kay pagsalig

Dawaton ko bisan unsang pagsulay
Sa gugma ko dili ka magmahay
Isaad ko maangkon mo ang kalipay

Ikuyog ko ikaw sa paraiso
Maghimo tag gamay nga kastilyo
Ikaw ang reyna ug ako ang hari mo

Pagkanindot untang pagkabation
Kon sa gugma kita ang magkadayon
Ning dughan ko ikaw ang akong mahalon

Dawaton ko bisan unsang pagsulay
Sa gugma ko dili ka magmahay
Isaad ko maangkon mo ang kalipay

Ikuyog ko ikaw sa paraiso
Maghimo ta gamay nga kastilyo
Ikaw ang reyna ug ako ang hari mo

Pagkanindot untang pagkabation
Kon sa gugma kita ang magkadayon
Ning dughan ko ikaw ako kayong mahalon

Kay sa langit maoy akong gisaad
Ang gugma ko wala gyu'y paglubad
Ang paglaom hatagi nagkahayag

Kay sa langit kini akong gisaad