Da ch'eo mi trovu in prigione serratu
Chjamu la musa ch'ella veng'al mio latu
Ma Si ella ùn hè cunfusa raconterà li mio passatu.

U capu in sena incù la manu à lu core
Pensu è ripensu incù qual' facciu l'amore
Ma più pensu à lu tenente chì à li Corsi ci ne vole.

Ciù ch'ellu vole da per mè ùn a sone
Di quattru Corsi n'hà messu trè in prigione
E po ci hà spiccatu à tutti privi di cunversazione.

Quellu chi resta in prigiò ci hè digià statu
L'hà rasatu la testa e po dopu l'hà serratu
Face chì di quattru Corsi più nisunu ùn s'hè scurdatu.

Paisanu eo chjamatu per cinqu'anni
Ne pregu à Diu sempre allegri passalli
Ma lu latru s'hè vantatu in galera vole mandammi.

Li pugheranu li soi i purgatoriò
Si ellu a sapesse ch'eo scrivu nantu à stu fogliu
O lu mondu diceria ch'ellu ùn hà tamantu orgogliu.

Goffu è di cima di mezu pare un butu
Da lu spinacciu ne fala à usu imbutu
O si voi lu vidarete o cum'ellu hè mal' fututtu.

PRINT LYRICS

VIEW FRENCH TRANSLATION