Cresce sperenza, Populu và
Incù la to presenza, Nazione si ferà.

Aghju vistu pienghje più d'una mamma
Chì di u so figliolu sentia la chjama
Ch'ellu li mandava da la so stanza
Per avè parlatu d'indipendenza.

Cresce sperenza, Populu và
Incù la to presenza, Nazione si ferà.

Oghje emu cambiatu ancu di guvernu
Chì ci hanu prumessu u veranu eternu
Fiore di scope mai granate
Chì à u ventu si ne so andate.

Cresce sperenza, Populu và
Incù la to presenza, Nazione si ferà.

Nant'à sta terra duve simu nati
Parechji fratelli so morti suldati
Morti per fede o per amure
Per un pezzu di terra ch'ùn lasceremu corre.

Cresce sperenza, Populu và
Incù la to presenza, Nazione si ferà.

À tutti l'eletti di Cursichella hè finita l'ora di riturnella
Date ci mezi per pudè campà in casa nostra è pudè ci stà
Date ci mezi per pudè campà o lu pupulu corsu si n'incargherà.

Cresce sperenza, Populu và
Incù la to presenza, Nazione si ferà.

Cresce sperenza, Populu sà
Ch'incù a so putenza, Nazione vincerà.

PRINT LYRICS

VIEW FRENCH TRANSLATION