Ade nona jaman sekarang
suka gaya tra kenal batas
modal edit langsung promosi
menor tapi kok percaya diri
nona sante saja
jangan ko terlalu variasi
pengen viral tapi salah aksi
itu namanya ko jual diri
mati viral ade nona pengen hits
tebar pesona muka putih karna blits
dari facebook, wa, sampai instagram
capeh liat dong pu muka bikin mata jadi kram
masih labil belum stabil, ade nona ingat umur ko itu masih kecil
pamer gaya, dong pu cantik tergantung intensitas cahaya
modal editan anggap diri paling one
dong saja tarada yang mau lawan
di sekolah dapat nol bukan seratus
tapi setiap menit rajin update status
mungkin haus perhatian, sungguh kasihan
batu krikil tapi paksa jadi berlian
dong pu gaya tidak kenal batas
kalau di tegur dong singgung sampe ampas
muka kapas tapi paksa jadi kapas
bikin malu lebih baik tra usah bernapas
terinspirasi dari drama korea
bikin nona pengen viral sampe lupa dengan status keluarga
aplikasi sistem android skarang dorang yang kuasa
selera lebih tinggi tapi ekonomi paling rendah
sperti yang dong bilang tidak ada rotan akar pun jadi
pulsa paket lepu, mode gratis tetap yoi
update foto kesana kemari cuma mau cari sensasi
coba sadar diri ortu kerja mau mati
pagi siang sore malam, ortu kerja banting tulang
jalan cari uang sampe badan tinggal tulang
tapi kenapa koi malah bikin ulah
anak macam begini kam suruh Tuhan panggil pulang
dalam pikiran masih dangkal, belum mengerti ujung dan pangkal
bagaya nomor satu, pelajaran buta total
duduk dalam kelas terlalu banyak menghayal
akibat bisa fatal lulus sekolah bisa abal-abal
ya dara, ade nona bajalan pamer dada
celana ramas paha supaya cari nama
ade nona style berkelas jangan sampe tahan kelas
foto editan yoi muka tambah pas
ternyata asli takupas, bajalan sampe malam lupa sampe matahari mulai tengelam
ade nona memang semangat tra pernah padam
kejar impian dong mau jadi artis selebgram
bah we ade nona mulai cakadidi
hati-hati nanti rem blong itu terjadi
pergaulan bebas sampe dong tra tau diri
kecelakaan tong tidak tau jadi
sio ade nona jangan terlalu bikin diri kah
kalau hidup pas passan yah biar sudah
jang terlalu paksa diri liat itu ko pu muka
karna hanya bikin susah orang tua di rumah