طلع كله علي مافيش
حتي بحبك طلعت كلمة كدابة
حتي ازيك مبقتش بتتقال
مبقتش افكر قبل ما انطق في اجابة
ده اللي يقولك حبك عمره في يوم ما حبك
كان مستني الفرصة يكون مكانك
مش مستني من الدنيا تسلكلي
ف سلكت لنفسي وكتبتلها في رسالة

اهلا بيكي يا دنيا مالك؟
لاست عكس ومش شايفة قدامك
مدى اديكي وسلمتي بشمالك
دوقت منك من شر أعمالك
شوفت منك ايام بتفتري
ناس بتبيع وبالشكل تشتري
الحب اتحول اصبح كره وخيانة
والعقارب طلعت برا مبقتش في الساعة
كله بيكدب علي كله
ف انا مبقاش يهمني
مش فارقلي مش هتهد ولا اتكسر
مابتقفش علي حاجة
مش هتوقف علي حد انا واقف علي الارض
حاسب حسبة علي الالة
راسم خطة انا لنفسي ومحدد الخط
بمضي باسمي علي رسالة
مكتوب عليها في ضهر الظرف

طلع كله علي مافيش
حتي بحبك طلعت كلمة كدابة
حتي ازيك مبقتش بتتقال
مبقتش افكر قبل ما انطق في اجابة
ده اللي يقولك حبك عمره في يوم ما حبك
كان مستني الفرصة يكون مكانك
ساعات بحس اني احسنلي ابقي لوحدي
وساعات بتمني احس بوحدة بزيادة

وساعات بتساءل
هل في شئ يستاهل اني احزنله
مانا خلاص حزنت بما فيه الكفاية
ومفيش دموع في عينيا تقولش جفوا
برود الدنيا فيا ومش بحس
فيا جروح كتيرة تحت اللبس
بس عرفت اداري اني موجوع لغاية
ما خلاص بطلت اتوجع من اساسه
دنيا مثيرة للشفقة كانت فاكراني زيها
طلعت غيرها مكان ما بترسي انا ادق
وبتاخد الخطوة بكون واخدها قبلها
مش عايز من حد ومحدش هيضيفلي
عايش عشاني وعشان اتبسطلي
مش محتاج منكم حاجة
ولا حد

طلع كله علي مافيش
حتي بحبك طلعت كلمة كدابة
حتي ازيك مبقتش بتتقال
مبقتش افكر قبل ما انطق في اجابة
ده اللي يقولك حبك عمره في يوم ما حبك
كان مستني الفرصة يكون مكانك
ساعات بحس اني احسنلي ابقي لوحدي
وساعات بتمني احس بوحدة بزيادة