يا اللي مستغرب قساوتي، خش شوف بعينيك حكايتي
شوف حكايتي من مرايتي، قول لي مين بدأ العدواة
سابوا قلبي على البلاطة سابوا روحي على الحديدة
شالوا من جرحي الخياطة وزودوني جراح جديدة
آه يا قلبي يا اللي شايل يا اللي وروك الهوايل
دايما الطعنة اللي تيجي من أعز الناس شديدة

أتاري ورا الوشوش نفوس ونفسيات
و ورا الماسكات وحوش وناس ضميرهم مات
ذهب الذهب بالعقول فرق ما بين الإخوات
يا رب إيه حكمتك وليه أنا بالذات
وليه أنا بالذات

لسه مستغربني ثاني، حط كده نفسك مكاني
خذت صدمة مجنناني، زعلي على قد الغلاوة
المواقف بينت لي مين عليّ ومين معايا
كل مشهد مستخبي شفته من كل الزوايا
آه يا ناس باعت ضميرها آه يا دنيا اتقل خيرها
الفلوس طلعت حقيقي للنفوس أوضح مراية

طلع أخويا وابن عمي والغريب عليّ
حتى اللي من دمي يا ناس يتمنى لي الأذية
لا الزمان بقى هو، هو ولا الطيبة هي
ده اللي ربيتهم بإيدي كبروا وغدروا بيّ
كبروا وغدروا بيّ