Je m'en allée couper dées jans
Du côté du Tertre Bobihan

Par une véprée qui faisait chaod
J'pâssée par le ch'min dées Meurtiaoux

Je ouis taper à coup d'batoué
c fére péter la roche du doué

Je m'éperchis em' p'tit pour vére
Qhi qu'était bién la lavandière

Etait la Marie du Fourchon
La plus jolie fille du canton

Ol' avait les pieds tout dechaos
Et quasiment ren sus la piao

Tant pu qu'o' frottait sées torchons
Tant pu qu'o' tortillait l'croupion

J'm'en allis pour li dire dées contes
Comme tous lées gâs d'sées nous i'font

Je li dis lésse don' là ta buée
Et vé-t-en faire ta mérienée

Caté moué dans l'mitan du fein
Dans l'petit pré du bout du ch'min

O'm' détournit un tarlichet
O'foutit dans l'iao mo chapet

Je n'demandis pâs mo restant
Et j'm'en allis couper mées jans

Lées lavandières c'ée comme lées jans
Jolies à vére, més pllein d'piqhants