حلوة زيادة إنها تكون حقيقة
‫Sure أميرة جوة فيلم سيما
شمس البدر عارف دينه ليها
عاقلة وكبيرة بس لسه بضفيرة
وهتفضل زي أول مرة أشوفها فيها
مش ناسيها مع إني نساي
قُلت دي طفلة دخلوها الجامعة إزاي؟
ودي الصورة اللي في بالي مهما عدى العمر بينا
لكن ساعتها ما كانتش قد المسؤولية
وعندي الوهم بتاع الوحدة والإبداع
فإخترت عيشة الحرية
جو متزوج من الفن وبتاع
الحياة رمت صنارة كلت الطعم
إفتكرتها فيلم إثارة طلع رعب
كنت فاكر هشبع دنيا لكن جوعت
كإن روحي في بُعد وأنا في بُعد
وطول ما إحنا في البُعد

ما لقيتش أي شيء ثاني يشجعني أفضل له حي
مشيت والدنيا جابتني زي
ما يكون المكتوب لي أبقى رايح جاي
أنا رايح جاي ما لقيتش أي شيء ثاني يشجعني أفضل له حي
مشيت والدنيا جابتني زي
ما يكون المكتوب لي أبقى رايح جاي
أنا رايح جاي

من غير ما أكون قاصد
معاهم كلامي طلاسم
ومعاها جمجمتي شفافة
كل الأفكار اللي في راسي متشافة
وفي المحنة بتبقى قادرة تحلم
وتقولي الدنيا رحلة فك وهي تحلى
عكسي جاضض حتى لو كله ظابط
أفكر في اللي جاي يقوم الخوف عليّ حاطط
متشائم ما شُفتش شوية
أحياناً تقدر وتهون عليّ
أحياناً تتكدر وتزود عليّ
فألم المرة دي تمهيداً للجاية

روحي اللي كانت عاشقة براحها
شافتها قامت رايحة
من غير ما أنصحها
كإن الروح بتعرف اللي هيفرحها
‫قطعة puzzle ما بتركبش غير مطرحها

ما لقيتش أي شيء ثاني يشجعني أفضل له حي
مشيت والدنيا جابتني زي
ما يكون المكتوبلي أبقى رايح جاي، أنا رايح جاي
ما لقيتش أي شيء ثاني يشجعني أفضل له حي
مشيت والدنيا جابتني زي
ما يكون المكتوب لي أبقى رايح جاي
أنا رايح جاي