ما فيش حد زيك

مافيش حد زيك ولا هيبقى في ..... مش عارف هحبك علي ايه ولا ايه
من ساعة ما شوفتك ما بعرفش ليه ..... بحس اني واقف وحاضن ملاك
وانا معاك بحس اني طاير لفوق ..... واحس اني تايه ومش عايز أفوق
ياللي في جمالك مفيش مخلوق ..... انا عايز اكمل حياتي معاك
***********
م النهارده عمري ابتدى ..... قبلك ماعشتش قبل كده
ولا عمر قلبي رق كده ..... ولا عمره حب غير وانا وياك
عايز اقولك حاجات كتير ..... اصل انا بحبك حب بضمير
ده انت الاول وانت الاخير ..... ومفيش في قلبي غير بس هواك
**********
انا عايزك على طول تبقى معايا ..... دا انت لوحدك عندي انا كفاية
مش عايز حاجة غيرك ويايا ..... اصل انت اللي انا بتمناه
انت بقيت عايش جوايا انا ..... والثانية معاك بتساوي 100 سنة
ما بلاش تبعد خليك هنا ..... عيّشني معاك أحلى حياه