مصر مش ناسية اللي شالها
‎واللي في الشدة افتكرها
‎والرئيس في خطابه قالها
‎مصر تحيا وتحيا مصر
‎شعبها حافظ جميلها
‎طول ما فيها بيجري نيلها
‎عمرها ما يقل خيرها
‎واسألوا مين هي مصر

مئة تحية وألف سقفة للي وقفوا بجد واقفة
‎في ظهر مصر عشان تعيش
‎شكر مخصوص للدكاترة ع المجازفة والمخاطرة
‎جيشنا الأبيض أحلى جيش
أوعى تنسى تحط شَرطة تحت كلمة جيش وشرطة
‎هما دول سر الأمان
‎سهروا في الشارع عشانا فكروا بس في أماننا
‎أصلهم في الشدة بان

‎غمة بكرة تزول وترجع الوشوش ثاني ابتسامة
‎وادعوا للي اتصابوا ياله يرجعوا بمليون سلامة
‎بالتعاون والتزامنا نقضي ع الفيروس في ساعة
‎ده ابتلاء والصبر دايما ع البلاء يقوي المناعة
‎غمة بكرة تزول وترجع ع الوشوش ثاني ابتسامة
‎وادعوا للي اتصابوا ياله يرجعوا بمليون سلامة
‎بالتعاون والتزامنا نقضي ع الفيروس في ساعة
‎ده ابتلاء والصبر دايما ع البلاء يقوي المناعة

مئة تحية وألف سقفة للي وقفوا بجد واقفة
‎في ظهر مصر عشان تعيش
شكر مخصوص للدكاترة ع المجازفة والمخاطرة
‎جيشنا الأبيض أحلى جيش
أوعى تنسى تحط شَرطة تحت كلمة جيش وشرطة
‎هما دول سر الأمان
‎سهروا في الشارع عشانا فكروا بس في أماننا
‎أصلهم في الشدة بان

‎كل واحد قام بدوره عاش ويسلم ع البطولة
‎واللي كان ثابت حضوره ابن أصل وكان رجولة
‎كل فرد عمل محاولة واشترى خاطر بلاده
شوفنا زيه في كل دولة بيحمي من الخطر أولاده
مصر والعالم في محنة ربنا يحوش ويعافينا
‎ده امتحان لو فيه نجحنا يبقى من الكرب اتعافينا
‎في اختبار ربك حاططنا فرصة تتغير قلوبنا
‎يمكن احنا كثير غلطنا وكنا مش شايفين عيوبنا

مئة تحية وألف سقفة للي وقفوا بجد واقفة
‎في ظهر مصر عشان تعيش
‎شكر مخصوص للدكاترة ع المجازفة والمخاطرة
‎جيشنا الأبيض أحلى جيش
‎أوعى تنسى تحط شَرطة تحت كلمة جيش وشرطة
‎هما دول سر الأمان
‎سهروا في الشارع عشانا فكروا بس في أماننا
‎أصلهم في الشدة بان