सांग ना कुठे जाऊ
सांग ना कुठे जाऊ
वेदना कुणा दावू
सांगना कुठे जाऊ

रुसले प्रिया संगीत रे
रुसले प्रिया संगीत रे
कंठी रुते मम गीत रे
थकल्याच या विरही मना शिक्षा नको देऊ
सांगना कुठे जाऊ

दावू कुणा शृंगार हा
दावू कुणा शृंगार हा
झाला तनूवर भार हा
विरहात मी जळते प्रिया दुःखा किती साहू
सांगना कुठे जाऊ

ही का तुला नकळे व्यथा
सांगू किती सरली कथा
सांगू किती सरली कथा
स्पर्शाविना झुरते तनू प्यासी कशी राहू
सांगना कुठे जाऊ

जाळी मना अंगार रे
का प्रीतीची ही हार रे
जाळी मना अंगार रे
का प्रीतीची ही हार रे
तुझियाविना पूजा फुले आता कुणा वाहू
सांगना कुठे जाऊ
वेदना कुणा दावू
सांगना कुठे जाऊ