De allereerste keer dat ik speulde
Met ‘n band
Augustus ‘86 in een gruune
Landmachttent
Electrische gitaren marlboro en wien
Van die goedkope vruchtenwien
Wee’j wel
Je hadden ons moeten zien
Der kwamen mensen kieken
Mar der was voetbal op
Dus der was niet veul en trouwens
Zien heb ik ze nie
Want ik weud op dat moment
Op slag verliefd op annelie

Ze stun naor mij te kieken
Met ‘n appel in de haand
Zo’n gruune zoere appel
Ik kwam van mien verstand
Vlak nao mien eerste optreden
Was ‘t veur ‘t eerst
Da’k hielmaol in de warre was
Mar zij zee beheerst
Vanavond is er feest
Bij inge’s ouders in de schuur
Zie ik je daar en ik zei mhaw
Ooh dat week nog niet
Mar mien god wat was ik toen al stapelgek op annelie

Mien wereld dreijde veur het eerst ergens op ‘t fietspad
Bij dinges veur ‘t huus
Heb ik van heur ‘n smok had
Ik deu de ogen lös
En ik deu ze ok mar weer dicht
Alles in mien leben
Leek naor dit punt toe richt
Alles dreijit um dit
Hier met heur te staon
‘t was mij meer weerd dan met de jongens naor de brasserie
Ik wol allennig mar allennig wezen
Met annelie

Ik was verliefd uren dagen weken
Ach zei ok wel dat moet wel ja
Zoiets ku’j nie faken
Maonden gungen veurbij
Mar we zagen mekaar aal minder
Dat mög nie meer want ze mus leren en ze mog gien hinder
Van kalverliefde met zo’n vent as ik
Dat zee heur moe
Heur vader was wel cool
Daor over heur ie mij nie
Mar ondertussen heulen ze me weg van annelie

Ze haalde heur diploma
Wol studeren in de stad
Ze vönd ‘n kamer en ‘n studie
Dus dat was ja wat
‘k was bliede veur heur
Mar dat was mar eben
An ‘t ende van de zomer
Kreeg ze ‘t over heur neije leben
‘n andere wereld waor ik volgens heur nie tussen paste
‘k stön met mien gitaar om
Ik lusterde nie
En de volgende dag
Gung zij met lijn 50 met annelie

‘k heb heur mar ien keer weer zien
Ien keer in mien leben
En af en toe oh af en toe
He’k der nummers over schreben
‘t gung heus wel weer over
T duurde lang misschien
‘n rij gebreuken harten
Bleek het beste medicien
Ik weet dat ‘t heur goed giet
En andersom vast ok
En ‘t nou nog vergeten
Dat huuft zo neudig nie
Want inmiddels moet ik glimlachen
A’k denk an annelie