'E traume 'e l'infanzia
'E vvote cà desidere 'a morte
Fanne penzà cà 'a felicità stà
'Nu kilometro cchiù 'nnanze
Inte a 'na strada chine 'e traffico 'e sustanze
Male 'e panza e ambulanza
Addò o juorne è 'nu cunto alla rovescia
Nasce 'a mezanotte e fernesce 'a matina
'Na clessidra 'e cucaina
Addò se campa senza guida e senza fantasia
E' 'a routine, esclusione d'e zzone arò nun putimme je
Mò è troppo l'odio 'nmiezo 'a via cundannate a 'nu libbre
Ere assaje meglje primme quanne zumpaveme r'a gioia
'Ncoppe a materazze abbandunate, fumanne filtre
E 'a birra apparave l'ore
Aspettanne 'a luna addivintà sole
E mò sente storie, leggende urbane
Chi spare sotte, sotte a doje mane
'E mmachine cù nuvanta anne 'e carcere ainte
'A voglie e 'o bisogno e fà capì cà nun sò bugie
Cà ogni notte 'na pistola esplode e n'anima evapora
Ch'e cape cavre, 'e core fridde
Pronte a murì, addeventanne 'nu mito

Che me dice? Perichele ferite
Che me dice? Pozze essere felice int'a n'ufficio
Ma quanne jamme a scialà, 'e grangalà, ch'e scarpe 'e vernice
Verimmece cchiù fore zona, ancore 'ncè permise

Ammuniaca cù l'oppio int'o Moulinex
'O calcare appile 'e rubbinette
Audemars Piguet movimente tourbillon
Obbilloco vinte bigliette viola
Tentachele r'a piovra pe saglì 'o fondale
Vale cchiù 'e fernì inte a 'nu frontale
Poemi in edioma meridionale
Pe gli idiote, 'e mediocre, ma specie pe chi s'identifica int'o significate
Tene 'o feghete abbuffate 'e stì fecate
'A fedina penale regala stupefacenti 'a culonna fecale
Sule faccendi personali
Sempe cchiù chiare ainte 'o cannucchiale
Se sò accucchiate crew contre e nuje
Pecchè manchene 'e contenuti
E pò arranchene a ffà n'affare
Che ce vuò fà fràà simme 'nfame
'A ricerca r'o gergo è 'a ricetta
E ogni concerto e l'incendio
Gajole 'e giument', cardille marjuole 'e semente
Addrizzene avversità
Asciute a ccà stess' indirizz'
Ma tourne pe tutte 'e città

Che me dice? Perichele ferite
Che me dice? Pozze essere felice int'a n'ufficio
Ma quanne jamme a shalà, 'e grangalà, ch'e scarpe 'e vernice
Verimmece cchiù fore zona, ancore 'ncè permise