Mas s-charpas sun mias amias,
i vegnan adüna cun mai,
be ellas cugnuoschan mas vias
tras plövgia, strasor’e sulai.

I tegnan meis peis in lur chüra
e mainan ad els ad ün böt,
ed eir scha lur vita es düra
acceptna’l destin in bun möd.

refrain:
Mas s-charpas sun mias amias
i vegnan adüna cun mai
be ellas cugnuoschan mas vias
tras plövgia, strasor’e sulai.

Dajadas però am dumonda,
sch’eu forsa nu dod lur plondschöz
e sch’ellas, survgnind la cumonda,
tschüffessan a mai pel culöz.

refrain

Precautamaing pigl eu alura
la crema, il sdratsch e’l barschun
cultiv lur chürom cun premura
e tillas dumond per pardun.