Seador da vals da larmas
pelegrigns von sur igls pros
tras il gods vers blava pizza
sot la crousch digls sies chitos
digls sies chitos

suaditsch e larmas bognan
l’erta sponda digl curver
betg schi lev scu chel digl paster
grev cun crouschs è sies lascher
è sies lascher

nossadonna sur la folla
dolza banadond igl mang
plagn cunfiert puspe sa derva
sc’una flour igl cor uman
igl cor malsang

ena mar da neivels corva
sot ziteil la bassa val!
scu dulzos tar otras sferas
leds ambleidigl tot igl mal
ambleidigl tot il mal