'Pag nasisilayan
Hindi namamalayan
Ang tulo ng laway ko
At kapag nandito
Nagbabadya ang pusong
Kumaripas sa pagtibok
Minsan pa,
Sa aki'y tumingin ka na
Minsan pa
Pwede ba?
At dahil nahulog na ako sayo
Hindi na 'to maglalaho
Kahit pa mukhang malabong
Sa aki'y magkagusto
Hindi magbabago
Pag-ibig ko sayo'y seryoso
Tuwing ika'y kausap
Kumpas ng melodiya
Ay kusa mong dinadala
Sabik nang 'kay makilala
Nanghuhumaling sayo
Ikaw ang tanging dalangin ko
Minsan pa
Nais kong magisnan ka
Minsan pa
Pwede ba?
At dahil nahulog na ako sayo
Hindi na 'to maglalaho
Kahit pa mukhang malabong
Sa aki'y magkagusto
Hindi magbabago
Pag-ibig ko sayo'y seryoso
Minsan nga
Sa akin ay lumapit ka
At sambit mong salita
"Marahil, nahulog na ako sayo
Hindi ko na matatago"
Hindi ako makapaniwala
Abot-langit ang saya
Ang aking ligaya
Ay matatamo ko na
Nang agad akong namulat
Panaginip lang pala ang lahat