الزمن، بينسى دايما
مع الزمن مفيش وعود
اللي كان عايش في قلبي
النهار ده ملوش وجود
الزمن، ملوهش صاحب
ملوهش قلب ولا مشاعر
خطوته مشوار في قلبي
عشت فيه دايما مهاجر آه

مع الزمن، الجرح بيتنسي
والذكريات الحلوة تذبل
مع الزمن بنبتدي
دايما حكاية في يومها تخلص
ننسى الملامح، والوجود والعناوين
يمكن نتوب عن ذكريات عاشت معانا
وضاعت في يوم من الزمن آه

الزمن دموع بتجري
أو ضحكة ما لها أي معنى
أو لعبة ملناش يد فيها
مهما اتشائمنا، وتفائلنا
كنت أجبن منه دايما
عمري ما فكرت أواجه
كنت خايف منه يمكن
لو كان بشر كنت فهمته آه

عشرين سنة من يوم ما اِتولدت
أحلم معاه يوعدني أصدق
عشرين سنة مروا وكأنهم سراب
وكان بيكذب، كتب حكايته على الوجوه
وألم في كل ضحكة، وساب علاماته الحزينة
على طريقي من زمان آه

الزمن، بينسى دايما
مع الزمن مفيش وعود
اللي كان عايش في قلبي
النهار ده ملوش وجود
الزمن، ملوهش صاحب
ملوهش قلب ولا مشاعر
خطوته مشوار في قلبي
عشت فيه دايما مهاجر آه
الزمن، الزمن مع الزمن