(اتبهدلت بعدك لما رحت مني يابا (حصريا على موقع مهرجنات دوت كوم
مين معايا الكل غايب مين في يوم نده لي
عيني لما جات تفتح كنت آلاقي بنتي
إنتوا مني بالأونطة محسوبين عليّ
Dolcy production

مش مجمع ليه بدمع كل يوم حزين
إيه الحكاية في المرايا مش عارفني مين
قلبي ماله إيه جرى له بشكي من سنين
من اللي داير دمي فاير ربنا المعين

خذوا مني كل حاجة بس إدوني فرحة
من زماني عايش بعاني كل الدنيا جارحة
كل يوم ببقى في هموم الضحكة فينها رايحة
في العذاب من صغر سني نفسي مني سارحة

كل الناس ساعات بتفرح إلا أنا مخنوق
إيه جرى لي صعب حالي همي في العروق
اللي شوفته مش شوية من المرار بذوق
نومي طاير من عينيّ إمتى بس أفوق

عيني لما جات تفتح كنت آلاقي بنتي
ليه يا دنيا هدتيني خذتي ليه حبيبتي
لسه فاكر كل حاجة بينا مش ناسيكي
كل يوم بروح لقبرك أفضل أحكي ليكي

كنت يا صاحبي أخ ليّ عمري ما كنت حاجد
اللي غيرك معايا بعد ما كنا واحد
كل ما تقسى برجع أنسى بقول أيام وفاتت
رد عليّ بس قل لي ليه العشرة هانت

ليّ أخ جوة ضيقة إمتى يبقى برة
من فراقه عايش بعاني بعده الدنيا مرة
الكلبش ماسك في إيده نفسي تبقى حرة
الحديد بيني وبينه هموت وأضمه مرة

ليل نهار بصب كاسي بشرب من همومي
غصب عني ببقى ناسي عشان أعدي يومي
مش مجمع مش مواصل بتحاسب في نومي
من اللي حاصل مخي فاصل ومظلم عمومي

في القرايب ظني خايب إنتوا فين يا أهلي
مين معايا الكل غايب مين في يوم نده لي
ده الغريب أحن منكم حس باللي بيّ
إنتوا مني بالأونطة محسوبين عليّ

اتبهدلت بعدك لما رحت مني يابا
ما إنت كنت في ظهري سندي كان كلك طيابة
مين بعدك عليّ حن كله بكا عيني
حالي تعبان من فراقك توهت مش لاقيني

من الهموم تعبت يا مة إدعي لي في صلاتك
إنت أغلى حد عندي سامحيني وحياتك
آسف لو بعدت عنك وعد أنا هبقى جنبك
مهما أقابل عمري ما هلقى حد زي قلبك

أمين خطاب أدائه عالي ع الساحة الكروان
في المجال تملي حملة معروف بالفنان
من يومه الأساس production في التوزيع Dolcy
مصطفى الجن ده لما بيكتب بسلطن الناس
عبد العبد أجدع إدارة في المجال ثقيل
فيصل العبد أفخم دعاية بجد مالوش مثيل
شريف عبادة أساس يا سادة مسيطر في المجال
مودي الدب على الفوطو الشوب ده في التصميم خيال
حصريا على موقع مهرجنات دوت كوم

Dolcy production