أنا مش لاقيني في كل شئ بينك وبيني
بايع اللي بينا لو قصاد إني أشتريني
شيلتك من قلبي وباقي أشيلك برة عيني
ومش مستني منك تيجي تودعيني
خليني أحاول ويّ غيرك ألقى نفسي
مش هفضل جنبك مستنيكي في يوم تحسي
لو ع اللي بينا فالأيام لازم تنسي
حبك في قلبي مات وغيرك جاي يعزي

وأنا مش هلومك ع اللي فيّ ومن سكات
إمشي وخلاص هيفيد بإيه حتى العتاب
كل اللي كان في قلبي ليك أصبح سراب
وأنا فوقت منك واعتبرتك حد غاب

ويا ساتر عملنا حاجات كثير ما حد كان ناكر
وصحى جراح كانت دبلت
ويا ساتر عملنا حاجات كثير وفهمنا في الأخر
ده كان ذنب وخلاص خلصت

قدمت كثير مالقتش غير
عيون قادرين وناكرة خير
ليه مش مكتوب لي أشوف نهار
مافيش غير ليل وبعده ليل
ولسه قلبي ليه مرهون على اللي كان
وعيوني مش بتلاقي غيرك في المكان
لو ع الوجع ده مش قضية ما تعيشيش دور الضحية
حبك ليّ تمثيلية كان رهان

وابقي افتكريني لما تضيق الدنيا بيكي
لو تدمع يوم عينيكي قلبي في الذكريات
وابقى افتكريني لما تضيق الدنيا بيكي
كنت صفحة أنا في ماضيكي ونسيتيها من سكات
وحتى ما دّيتيش لقلبي فرصة يحكي باللي فيه
مش متفقين ما ترجعيش فابتلوميني بس ليه

ويا ساتر عملنا حاجات كثير ما حد كان ناكر
وصحى جراح كانت دبلت
ويا ساتر عملنا حاجات كثير وفهمنا في الأخر
ده كان ذنب وخلاص خلصت