Cu è ca mi talia
Quannu sugnu in cruci
E strinciu p'un cariri?
'A casa è china i tia
Quannu sugnu sulu
Iu ti sientu runnegghiè

Ma tu nun ti fai abbiriri
Si m'inzierti a chianciri
Ti priu, nun niesciri
Tu hai ru' occhi tanti
A biglie jucamucci

Cu è ca ti talia
Quannu si 'a cchiù duci
E allienti pi moriri?
Di poi t'i portu iu
Spago e du' bicchieri
Ca ti cuntu a zocchegghiè

Ma tu ‘un ti fari abbiriri
Si m'inzierti a chianciri
Già u sai, 'un ha' niesciri
Iu haiu l'occhi tanti
Pi circariti

Cu è ca nni quarìa
Quannu nni vasamu
Sulu p'un manciarinni
Si biedda ca 'un cinn'è
Iu 'un capisciu nienti
Sugnu iu ca nni talia?

Ma nun mi fazzu abbiriri
Si ti inziertu a chianciri
No, 'un vogghiu niesciri
Ci vonnu ru' occhi tanti
Pi taliariti

Ma 'unni faciemu abbiriri
Jucamu a taliarinni
E cu vuoli niesciri?
Aviemu l'occhi tanti
Pi nun ririri