الدنيا راقت لي أول ما عينيك ضحكت لي
مبسوطة إن إنت معايا وأدي أجمل حاجة حصلت لي
الدنيا خاذتني بس إنت عينيكي خطفتني
مش فارقه الدنيا معايا وأنا جنبك إيه اللي ناقصني

ده أنا حظي من السما إن أنا وإنت قاعدين سوا
ده اليوم اللي بعيشه معاك عندي بباقي السنة
ده أنا حظي من السما إن أنا وإنت قاعدين سوا
ده أنا عيني لما تكون شايفاك بتشوف الباقي هوا

الوقت فايتني من يوم ما إيديك لمستني
دي القاعدة معاك يا حبيبي أكثر حاجة بتبسطني
ولا حد فارق لي ومعاكي الجو رايق لي
أنا وإنت واحد يا حبيبي ولايق لك وإنت لايق لي

ده أنا حظي من السما إن أنا وإنت قاعدين سوا
ده اليوم اللي بعيشه معاك عندي بباقي السنة
ده أنا حظي من السما إن أنا وإنت قاعدين سوا
ده أنا عيني لما تكون شايفاك بتشوف الباقي هوا