Shady West

أنا يصعب عليّ الغالي، الغالي بس إنتوا أساسكم رخاص
هبيعكم بسعر تجاري، هبيعكم بسعر تجاري
تعالوا شوفوا عرضي الخاص

بسعر السوق أنا هبيعكم بكل هدوء
ولازم ليكم أصحى وأفوق
ومش هسكت على حقي لأي مخلوق
هبيع تقسيط وهعرضكم بسعر بسيط
عملت ع الخاين تخفيض
ما هو اللي شاري أمثالكم ده يبقى عبيط

بلا عشرة وحب بلا وجع قلب خلصنا وقفلوا ع السيرة
يا اخوات بالكذب اركنوا على جنب خذوا لكم هدنة من الغيرة
كنتوا بتلمعوا زغللتوا عينيّ ببص لقيتكم ذهب عيرة
مش باقي عليكم ضحيت بيكم وبعلق أرخص تسعيرة

بشتري بالغلا في بضاعة تلفانة كل اللي كسبتوا بيخسرني
كنت بحبكم يوم ما احتجتكم ولا واحد فيكم عبرني
العين بالعين ده إنتم بايعين إيه اللي عليكم يجبرني
أنا قدرتكم ياما كبرتكم ومحدش منكم كبرني

يالاه يا خليل

يا عم بلاش تحط السعر بيع ببلاش
وما تذوقش دولت أوباش
وجات لك الفرصة يتباعوا فامتسبهاش

عملت عروض تعالى وبص ع المعروض
هتاخذ نذل وعليه حقود
وماتدورش ع الطيب ده مش موجود

من غير تكلفة بالهنا والشفا العيش والملح اللي اتاكل
وياريت تقلعوا لبس الجدعنة مش حلو عليكم مش واكل
عاملين مساكين ده إنتم ثعابين والطيب منكم يتاكل
بلعن جدعنتي كرهت شهامتي تعبت وعاملة لي مشاكل

بعمل خصومات في التصفيات وبدور على حد شاريكم
خاينين للبيع والسعر فظيع ومحدش راضي يدفع فيكم
وعملت اللي عليّ معاكم وياريتكم عملتوا اللي عليكم
بعتوني ومش عارف أبيعكم فهضحي وهتبرع بيكم

عملت عروض هتاخذ نذل وعليه حقود تعالى وبص ع المعروض
بسعر السوق أنا هبيعكم بكل هدوء
ولازم ليكم هصحى وأفوق
ومش هسكت على حقي لأي مخلوق