كان في صورة ليكي بالورد وأبص عليها وأنا مخنوق
جنب الترابيزة ركنك لسه زي ماهو محركتوش
ثالث سنة لينا مش مع بعض سادس شهر منكلمش
أنا لسه في نفس المكان بالضبط مبتحركش مبتحسنش

وبدأ الفيلم كنا بنقول كلام
آه لو شارب البحر دماغي شغالة
أترمي في الحضن أترمي في زبالة
أنا مبدققش أنا عايز الحاجة
عايز أنساها أنا في متاهة

كلم الدكتور قول للدكتور أنا مش بنسى ليه
قول له ع الخوف قول له ع الرغبة في مغادرة الكون
الهوس بنموت ونصحى من النوم ونكرر اليوم
كنا بنقول كلام، كنا بنقول كلام وخلاص

كان في صورة ليكي بالورد ببص عليها وأنا مخنوق
جنب الترابيزة ركنك لسه زي ماهو محركتوش
كده ثامن سنة لينا نعرف بعض وثامن شهر منكلمش
أنا لسه في نفس المكان بالضبط مبتحركش مبتحسنش

وضاعت الصورة ومات الورد
وكثر البعد وقل الود
وكمل الشك وبقى مش وهم
وكثر الموج وبقى بيشد
وبطل الفيلم قام قتل الوحش
حضن البطلة وخلص الفيلم
نزل التتر بس مبجمعش
إن أنا الوحيد اللي لسه مقفلش إني مبمثلش