القرنفل
-
مين اللى زيه فى ضحكته ... محلا عبيره وصحبته
ازهاره زى الكاس ... تسكر عيون الناس
ساكن منصان فوق الاغصان ... ساحر فتان صاحى ونعسان
بتحبى الخيال يا رمز الجمال ... يا زهر القرنفل يا قرنفل
بتسبى العيون يا تاج الغصون ... يا زهر القرنفل يا قرنفل
آه يا قرنفل
******************
شوفوا الندى مشغول فى هواه ... من حبه فيه بيبوس خده
ويقضى طول الليل وياه ... مين اللى يقدر على بعده
والورد هايم بيحبه ... يا قرنفل
سهران ونايم يحلم به ... يا قرنفل
والنيمه بتلاعب عوده ... يحلى هواها بوجوده
بتحيى الخيال يا رمز الجمال يا قرنفل
بتسبى العيون يا تاج الغصون يا زهر القرنفل يا قرنفل
************
بين الزهور آمر ناهى ... ع الروض سلطان
وفى الرياض لونك زاهى ... أشكال والوان
فتنه وجمال فى لفتك .. رقه ودلال فى لفتتك
أشوفك اسبح فى الاحلام ... وتمر على بالى الايام
بتحيى الخيال يا رمز الجمال يا قرنفل
بتسبى العيون يا تاج الغصون يا زهر القرنفل يا قرنفل
آه يا قرنفل
******************
أول جمالك ما فتنى ... يوم ماالحبيب كان مواعدنى
فرد حبيبى منديله ... فضلت أقطف واديله
باسك وضمك على صدره ... وقلبه قال لك على سره
من يومها حسنك بان ليه ... وزاد جمالك فى عنيه
بتحيى الخيال يا رمز الجمال يا قرنفل
بتسبى العيون يا تاج الغصون يا زهر القرنفل يا قرنفل
آه يا قرنفل