عدّى النهار والمغربية جاية، تتخفى ورا ظهر الشجر
وعشان نتوه في السكة، شالت من ليالينا القمر
عدّى النهار والمغربية جاية، تتخفى ورا ظهر الشجر
وعشان نتوه في السكة، شالت من ليالينا القمر
وبلدنا ع الترعة بتغسل شعرها
جانا نهار مقدرش يدفع مهرها
وبلدنا ع الترعة بتغسل شعرها
جانا نهار مقدرش يدفع مهرها

يا هل ترى الليل الحزين، أبو النجوم الدبلانين
يا هل ترى الليل الحزين، أبو النجوم الدبلانين
أبو الغناوي المجروحين، أبو الغناوي المجروحين
يقدر ينسيها الصباح، أبو شمس بترش الحنين
أبدا، أبدا بلدنا للنهار، بتحب موال النهار
أبدا بلدنا للنهار، بتحب موال النهار
لما يعدي في الدروب، ويغني قدّام كل دار

والليل يلّف ورا السواقي، زي ما يلف الزمان وعلى النغم
وعلى النغم تحلم بلدنا بالسنابل والكيزان
تحلم ببكرة واللي حيجيبه معاه
تنده عليه في الظلمة وبتسمع نداه
تصحى له من قبل الأذان، تروح تقابله في الغيطان
في المتاجر في المصانع، في المدارس والساحات
في المتاجر في المصانع، في المدارس والساحات
طالعة له صحبة صفوف جنود، طالعة له رجال أطفال بنات
طالعة له صحبة صفوف جنود، طالعة له رجال أطفال بنات
كل الدروب، واخذة بلدنا للنهار
واحنا بلدنا للنهار، بتحب موال النهار
إحنا بلدنا للنهار، بتحب موال النهار
لما يعدي في الدروب، ويغني قدام كل دار