ये जवळी घे जवळी प्रिय सखया भगवंता
ये जवळी घे जवळी प्रिय सखया भगवंता
वेढुनि मज राहसी का दूर दूर आता
ये जवळी घे जवळी प्रिय सखया भगवंता

रे सुंदर तव तीरी जग हिरवे धुंद उरी
रे सुंदर तव तीरी जग हिरवे धुंद उरी
पातेही न गवताचे शोभवि मम माथा
ये जवळी घे जवळी प्रिय सखया भगवंता

निशिदिनी या नटुनि थटुनि बघ नौका जाति दुरुनी
निशिदिनी या नटुनि थटुनि बघ नौका जाति दुरुनी
स्पर्शस्तव आतुर मी दुर्लभ तो हाता
ये जवळी घे जवळी प्रिय सखया भगवंता

चमचमती लखलखती तव मंदिरी दीप किती
चमचमती लखलखती तव मंदिरी दीप किती
झोपडीत अंधारी वाचु कशी गाथा
ये जवळी घे जवळी प्रिय सखया भगवंता