वनवास हा सुखाचा सुखाचा सुखाचा
वनवास हा सुखाचा
दिनरात लाभताहे सहवास राघवाचा
वनवास हा सुखाचा सुखाचा सुखाचा
वनवास हा सुखाचा

हाते उभारलेली ही रम्य पर्णशाला
हाते उभारलेली ही रम्य पर्णशाला
छायेत नांदता या आनंद ये निराळा
भूमीवरी जणू हा तो संसार पाखरांचा
वनवास हा सुखाचा सुखाचा सुखाचा
वनवास हा सुखाचा

खांबास चार वेळू शाकारणी तृणांची
खांबास चार वेळू शाकारणी तृणांची
कानी सुरेल वाणी माझ्याच कंकणांची
कष्टे कमावलेला हो आस्वाद अमृताचा
वनवास हा सुखाचा सुखाचा सुखाचा
वनवास हा सुखाचा

हे सौख्य काय देती साकेत राजधानी
प्रीतीरसात न्हाती सुखदुःख भाव दोन्ही
प्रीती मिळो पतीची हा स्वर्ग स्वामिनीचा
वनवास हा सुखाचा सुखाचा सुखाचा
वनवास हा सुखाचा