हा दैवाचा खेळ निराळा
नाहि कुणाचा मेळ कुणा
नशिबाआधी कर्म धावते
दु:ख शेवटी पदराला
हा दैवाचा खेळ निराळा

सुखदु:खाच्या सारिपटावर
खेळ खेळतो
खेळ खेळतो असाच ईश्वर
या खेळाचे ज्ञान खरोखर
या खेळाचे ज्ञान खरोखर
अजुनी न कळे कोणाला
हा दैवाचा खेळ निराळा
नाहि कुणाचा मेळ कुणा
नशिबाआधी कर्म धावते
दु:ख शेवटी पदराला
हा दैवाचा खेळ निराळा

या खेळाचे प्यादे म्हणुनी
सरळ चालिचे
सरळ चालिचे मानव निर्मुनि
उंट घोडे भेद ठेवुनी
उंट घोडे भेद ठेवुनी
नियम आखिला खेळाला
हा दैवाचा खेळ निराळा
नाहि कुणाचा मेळ कुणा
नशिबाआधी कर्म धावते
दु:ख शेवटी पदराला
हा दैवाचा खेळ निराळा

दावुनि अपुले हेवेदावे
कुणी कुणाशी
कुणी कुणाशी का झगडावे
सारे काही प्रभुला ठावे
सारे काही प्रभुला ठावे
मानव ठरतो त्यात खुळा
हा दैवाचा खेळ निराळा