यमधर्माचा दूत कुणीही खुशाल राहो खडा
धन्य हा सावित्रीचा चुडा
धन्य हा सावित्रीचा चुडा
धन्य हा सावित्रीचा चुडा

भर दरबारी पांचालीचे सत्त्व लुटावे चारित्र्याचे
भर दरबारी पांचालीचे सत्त्व लुटावे चारित्र्याचे
सखा श्रीहरी आभरणांचा अखंड घाली सडा
धन्य हा सावित्रीचा चुडा
धन्य हा सावित्रीचा चुडा

सती अहल्या गौतम कांता मुनीवेशाने तिला भोगिता
सती अहल्या गौतम कांता मुनीवेशाने तिला भोगिता
देवेंद्राच्या देवत्वाला तिथेच गेला तडा
धन्य हा सावित्रीचा चुडा
धन्य हा सावित्रीचा चुडा

यवन धावला पाठी म्हणुनी जळुनी गेली सती पद्मिनी
यवन धावला पाठी म्हणुनी जळुनी गेली सती पद्मिनी
जोहाराची कथा सांगतो अजूनि तिथला कडा
धन्य हा सावित्रीचा चुडा
धन्य हा सावित्रीचा चुडा