चुकचुकली पाल एक कालचक्र क्षण चुकले
चुकचुकली पाल एक कालचक्र क्षण चुकले
नकळत या रात्रीला मी माझे दिन विकले
चुकचुकली पाल एक कालचक्र क्षण चुकले
चुकचुकली पाल एक

रंग तुझे स्वप्नमयी ल्यालेली ती पहाट
रंग तुझे स्वप्नमयी ल्यालेली ती पहाट
धुक्यामधुन मी तुझी शोधियली वाट वाट
परि दिशेस पुन्हा पुन्हा वळण नवे का फुटले
चुकचुकली पाल एक कालचक्र क्षण चुकले
चुकचुकली पाल एक

अशी हरवले तशी मलाच मी अनोळखी
अशी हरवले तशी मलाच मी अनोळखी
इथे तिथे दंवातही तुझीच मूर्ती सारखी
गीतांतील सूर असे का मधेच पण तुटले
चुकचुकली पाल एक कालचक्र क्षण चुकले
चुकचुकली पाल एक

तुजवाचून दूर दूर मी अशीच राहणार
तुजवाचून दूर दूर मी अशीच राहणार
ही अशीच तव छाया पण मागे धावणार
सावल्यांत सार्या या चित्र असे मम कुठले
चुकचुकली पाल एक कालचक्र क्षण चुकले
नकळत या रात्रीला मी माझे दिन विकले
चुकचुकली पाल एक