لاتشره ما على الدنيا عتاب
شرع الأبواب وتركها ممر

انتهى عصر التغلي والغياب
علم الغايب وعلم من حضر

هذا انا موجود يسمح الجناب
لاتدورني وهل يخفى القمر

عاد انا لاغبت من فوق السحاب
كان ماجيتك يجيب الله مطر

ضيفني كأنك تبيني بسناب
وان قبلت اضافتك فرصة عمر

ابحث وتلقاه منشور الحساب
عند جمهوري ومن عنده نظر

في سما الإبداع تقرأني كتاب
كل ماتقراء شطر تدمن شطر

ادهشك وافرض عليك الانعجاب
تحت تأثير القصايد والصور

وافتح ابواب النقاش وكل باب
ون بغيت الخاص دبر لك عذر

ادم وحواء وانا وانتي تراب
الكبر لله ماهو للبشر