لا تحسب اني فرحة بحزة غيابك
الجرح ينزف ولو كابرت بعنادي

البعد يذبح ولاني طايق اغيابك
مهما كتمت الدموع وقلتلك عادي

دامك بديت المفارق والبلا صابك
قل للجروح العميقه بعلن حدادي

اخذ الصور مع هدايا العيد وكتابك
وطالبك تكفا ابيك اترد لي فوادي

ماكنت عايش حياتي والزمن جابك
يوم اللقى في عيوني يوم ميلادي

ماني معاتبك دام البعد طلابك
والبعد سيفه صقيل وكبل اقيادي

ماكنت اقرب على نفسك من ثيابك
واليوم شوف الظروف اتزيد ببعادي

يقطعك يا قلب كيف الحب سوابك
ماكنت داري بيثور فيني ازنادي

يرميني الوقت من شوقي على بابك
ماجيت ادور سوى لجرحي اظمادي

فيروز دمعي نزل كله من اسبابك
نسم علينا الهوى من مفرق الوادي

يا مبعدن عن عيوني الشوق ما جابك
من بعد فرقاك كني فاقد بلادي

البعد يذبح ولاني طايق غيابك
ولو قلت عادي قسم بالله مو عادي