फिरुनी नवी जन्मेन मी

एकाच या जन्मीं जणू
फिरुनी नवी जन्मेन मी
फिरुनी नवी जन्मेन मी

स्वप्नाप्रमाणे भासेल सारे
जातील साऱ्या लयाला व्यथा
भवतीं सुखाचे स्वर्गीय वारे
नाही उदासी ना आर्तता
ना बंधने वा नाही गुलामी
भीती अनामी विसरेन मी

हरवेन मी, हरपेन मी
हरवेन मी, हरपेन मी
तरीही मला लाभेन मी

एकाच या जन्मीं जणू
फिरुनी नवी जन्मेन मी
एकाच या जन्मीं जणू
फिरुनी नवी जन्मेन मी

आशा उद्याच्या डोळ्यांत माझ्या
फुलतील कोमेजल्यावाचुनी
माझ्या मनींचे गूज घ्या जाणुनी
या वाहणाऱ्या गाण्यातुनी

आशा उद्याच्या डोळ्यात माझ्या
फुलतील कोमेजल्यावाचुनी
माझ्या मनीचे गूज घ्या जाणुनी
या वाहणाऱ्या गाण्यातुनी

लहरेन मी, बहरेन मी
लहरेन मी, बहरेन मी
शिशिरातुनी उगवेन मी

एकाच या जन्मी जणू
फिरुनी नवी जन्मेन मी
एकाच या जन्मी जणू
फिरुनी नवी जन्मेन मी
फिरुनी नवी जन्मेन मी
फिरुनी नवी जन्मेन मी