كان نفسي أعيش
وأرد لأمي جميلها فيّ
وما أشوفش كسرة قلبها وتصعب عليّ
أنا كان زماني معاها واخذ بالي منها
وكان زمانها بتاخذ الدوا من إيديّ

كان نفسي أعيش
وأكبر إبني وأشوفه حاجة
والموت خطفني فـي ثانية بسهولة وسذاجة
أمانة تبقوا تخلوا بالكم في غيبتي عنه
ده أنا كنت سنده وكنت ضهره وكل حاجة

كان نفسي أعيش
عشان البلد تتباها بيّ
كان نفسي أحسسها إني قد المسؤولية
وأكبر وأشرف مصر في العالم بحاله
وأحميها من شر اللي ناويين ع الأذية

(كان نفسي لما أموت ما أشوفش الموتة ديّ (الموتة ديّ
أنا عندي موتة ربنا الموتة العادية
أهون كثير مـن الذبح والموت بالرصاص
مش معترض على أمره مهما يا ناس حصل لي
أنا برضه عارف ربنا وبصوم وأصلي
وكفاية إنه حسبني عنده شهيد يا ناس

كان نفسي لما أموت ما أشوفش الموتة ديّ
أنا عندي موتة ربنا الموتة العادية
أهون كثير مـن الذبح والموت بالرصاص
مش معترض على أمره مهما يا ناس حصل لي
أنا برضه عارف ربنا وبصوم وأصلي
وكفاية إنه حسبني عنده شهيد يا ناس

كان نفسي أعيش
كان نفسي أعيش
كان نفسي أعيش