بتستقوى
بتيجي عليها وتهينها ومبسوط إنك الأقوى
(بتستقوى (بتستقوى
بتكسر بالجحود عينها وما فيش لا شهامة ولا تقوى
ماليها جروح، ده منك لي اللي خلقك روح
بتضربها
بدل ما تشوف دموع عينها فمن حضنك تقربها
بتضربها
ليه راضي البهدلة عليها تحب في يوم تجربها
ضميرك فين، أكيد ميّت يا عيني خلاص بقاله سنين
(ح تفضل عايشة مكسورة يا حول الله (يا حول الله
ضعيفة يا عيني معذورة في عذاب عيشاه
لو إنت تدوس أوي عليها
نجيب مين ثاني يحميها
ومين هيكون سند ليها وتعيش ويّاه

بتكسرها
وعادي شايفها تعبانة ومافيش مانع تدمرها
بتكسرها
وبكرة تفوق مضيعها وهتندم لما تخسرها
و ما تلاقيهاش، عشان فعلاً ما حبيتهاش
ما فيش إحساس
بدال ما تحطها في عينك بتتهان تتشتم تنداس
(ما فيش إحساس (ما فيش إحساس
ده راجل يعني حنية، مافيش حنية يبقى خلاص ح يفضل إيه
ولما تسيبها مقهورة إنت كسبان إيه
(ح تفضل عايشة مكسورة يا حول الله (يا حول الله
ضعيفة يا عيني معذورة في عذاب عيشاه
لو إنت تدوس أوي عليها
نجيب مين ثاني يحميها
ومين هيكون سند ليها وتعيش ويّاه