Das bringt doch nüt wed itz
Hie umehocksch u grännisch
Mir tuesch wäge däm nid leid
Das bringt doch nüt wed itz
Hie umehocksch u grännisch
Spars gschyder füre nächscht wo geit
We der Wecker lütet am Morge früeh
De chasch mi sueche we de wosch
De bini nümme hie
Du bisch der Grund werum dass i wyterzieh
Mir wei nid grüble, es isch scho rächt

Das bringt doch nüt wed itz
Die Lampe lahsch la brönne
Das hättsch ja früecher o nid gmacht
Das bringt doch nüt wed itz
Die Lampe lahsch la brönne
I blyben uf der dunkle Syyte vor Nacht
I ha mer mängisch gwünscht
Du hättsch irgendöbbis gseit
U gloub mer i hätt mers no so gärn
Noeinisch überleit
Aber richtig zäme schnurre
Mir hei nie tschegget wi das geit
Mir wei nid grüble, es isch scho rächt

Du bruchsch nid z rüefe we
Mer üs irgendwo begägne
I ha se itz gnue ghört, dini Stimm
Du bruchsch nid z rüefe we
Mer üs irgendwo begägne
Du eifach so aus giebs mi nümm
I loufe eifach wyter zmitz uf der Strass
I ha di aube gärn gha
Itz weisi nümme wäge was
I hätt alles gmacht für di
Aber du hesch geng meh wöuen aus das
Mir wei nid grüble, es isch scho rächt

I hoffe du fingsch dis Glück
U chasch es bhaute
I säuber bi no nid ganz dert
Uf Widerluege würdi jetz nid bhoupte
Aber i wünsch der aues Guete wi sechs ghört
I wott nid säge du heigsch
Mi schlächt behandlet oder so
Hättschs äuä besser chönne
Aber was weiss i scho
A mir rünnt eifach langsam mini Zyt dervo
Aber wei nid grüble, es isch scho rächt

We der Wecker lütet am Morge früeh
De chasch mi sueche we de wosch
De bini scho lang nümm hie
U du bisch der Grund werum i wyterzieh
Mir wei nid grüble, es isch scho rächt