Abiapuntutzat hiru lagun elkartzea
Ta hiru trago mahai gainean
Askatasunaren bidean goaz
Norantza zuzenean
Autoa gainezka lanak alde batean utzi
Ta irrifarra aurpegian
Istorio berri bat dugu idaztear
Ahaztezina izango da
Udan euriak batu gintuen
Ekaitzari aurre eginez
Inoiz gailendu ez diren
Izarren sugarra piztu da
Beste behin
Bizipenak, pilatuz doaz
Memorian hor nonbait
Xxi. mendeko arazoak dituzten
Ibiltariak gara
Burugabeen batzordean
Zozo beltzak hegan dihoaz
Udan euriak batu gintuen
Ekaitzari aurre eginez
Inoiz gailendu ez diren
Izarren sugarra gara
Kitarrak astintzen amesten zuten
Ume mokoak ginen
Ausartzen ez diren izenean
Beste abesti berri bat idaztera noa
Izarren argien azpian
Izan gintezke libre
Udako egun luzetan